本來想打在fb 但還是打在這給自己看就算了
-------------
終於要和機場say goodbye。
一畢業出來就入黎JASL做Ground，然後Internal Transfer到ADSC做Admin，今年已經係我加入Jardine的第五個年頭。
人地話十年人事幾番新，我就話五年人事已經N次番新。當初我到ADSC由乜都唔識，慢慢學，由一個同事都唔識，到我而家可以記得哂成個department 200人既中英文全名(有同事覺得我呢個技能好犀利lol)，不斷有同事入職，不斷有同事走，計landing charge，整staff database，計OT，各間airlines的reports，全部由零開始，慢慢累積變做100，望番轉頭就好似琴日發生的事咁。
一直都話要轉工，每一年聖誕節我都會去睇機場今年既聖誕樹。成日都會諗，唔知我出年會唔會仲要係度睇住棵聖誕樹呢？而我一直都對搵工採用唔爹唔吊既心態，從來都冇話好認真咁的起心肝搵工。可能個人都比較屬於安於現狀類既人，完全係想穩穩定定又一日，不必要都唔想有咩大改變。的確係有一些人同事係trigger 到我去搵工的，而我對此亦心存感激，冇佢地幫手push我我唔會咁有決心，跳唔出呢個comfort zone :)
搵工過程其實開始時有點沮喪，頭一星期真的一個interview電話都冇，自己覺得有點不妥，重新審視一次自己的CV & cover letter，有種見到都唔開胃既感覺-.-，霸氣咁將佢地delete，用employer既角度去重新整左一份全新的CV & Cover letter ... 然後終於有電話通知interview，而幸運地，我只係in左兩間公司，其中一間公司就係四日後俾offer我了。(而跟住我既電話都係繼續有公司打黎叫我interview，可見自我檢討的重要性！)
其實真係覺得自己好好彩，份job ad既requirement第一點我已經fulfill唔到，間公司肯in我時我都當自己去練習interview就算，但點知一in就in左兩個半鐘 .. 符符碌碌咁又得左，但我個心而家仲係好忐忑，好驚自己會攪唔掂，呢幾日要係屋企溫下書先得 ><
多謝每一位同事一直以黎既照顧，由landside到ADSC，曾經同我一齊作戰既戰友們，係我landside爆鑊時幫我補鑊既好同事好掃把，感激我四位老細對我既鼓勵同支持，多謝inkpad boss 幫我寫左封好靚仔既reference letter，其他department既同事們，HR，Procurement，MP ... etc 多謝各間airline的personnel，呢四年黎既種種真係講唔哂，嗚 ⋯
就算係唔同公司做野，我都唔會忘記過去昔日既好，下次我再到機場禁區，已經唔係番工，係我放大假去旅行之時啦～hahaha
DOJ 20100913 同期們，我脫離機場喇！✌️
I am ready for the new challenge !!
全站熱搜
留言列表
